Sa faina

Sustainable Sardinia bolit essi un’ arretza de genti chi traballat po s’ adelantamentu sustenìbili in Sardìnnia, analisendi e visualisendi informus. Sa faina est aberta a totus, est multi-disciplinària, e pertocat chistionis diferentis: de s’ ecologia a sa linguìstica, de s’ economia a s’ archeologia.

Comenti traballat sa faina

Sa faina tenit un’ arregorta struturada de progetus, pruschetotu programas de sa computadora, chi sighint su pròpriu manifestu, e s’ arrelatant a pari. Ddoi est unu coordinadori chi sighit totu sa faina, e unu coordinadori de progetu po dònnia progetu. Sa prus parti manna de is progetus funt in GitHub e is chi bolint podint fai contributus de manera lìbera, chena de s’ intendi acapiaus a sa faina chi no bolint.

Po agiudai

Chi unu/a bolit agiudai podit:

• castiai is progetus chi ddoi funt in sa pàgina pretzisa de su giassu, o in GitHub, e fai unu contributu de sa pròpriu manera de calisisiat progetu open-source.
• proponni unu progetu, intreghendi unu curreu letròngiu a s’ indirìtziu de Sustainable Sardinia.